Ford Aspire CNG India nung sayaogo

Tsüklai/February 15 (Agencies): Ford Aspire tasenba indang CNG variant India nung sayaogo aser kasa mapang iba gari ayoktsü tenzükogo, ta osang ajanga metetdaktsü. Aspire CNG jenjang sen lakh 6.27 (ex-showroom) asütsü aser gari ya variant ana – Ambiente aser Trend Plus nung angutsü.
“Sen aika meindoki gari anepalutsü mulunga alir customer atema Aspire CNG tasenba ya fuel-efficient aser eco-friendly gari ka asütsü,” ta Ford India, Marketing, Sales & Service, executive director, Vinay Raina-i ashi.
CNG ajanga power agütsüba compact sedan nung standard ama küm ana mesüra 100,000km warranty densema angutsü. Ford idnang tanga Aspire NG model ama CNG variant nunga tejaklen airbag ana standard ama angutsü.
Iba sedan nung tanga feature tsütsü reprangdangra, gari nung satellite navigation, infotainment system den 7-inch touchscreen & Bluetooth connectivity, rear-view camera, remote central locking, automatic air-conditioner aser power windows keta aliba angutsü saka tanga feature jibo taoba variant ama keta alitsü.
Tang Aspire CNG indang CNG kit nung engine control unit (ECU) densema angutsü. Ibaji ajanga cyclider shia nung gas flow (totzü) tajungba kumtsür. Gujarat kübok Ford India indang Sanand Factory nung iba gari yanglutsü aser gari ya India nungdang masü saka alima ajunga nung ayoktsü ternemba lir.