Saina Nehwal-i Senior Nationals title 4buba kokogo

Guwahati, Tsüklai/February 16 (Agencies): Honibarnü Guwahati nung senior national championship tetsür kija final asaya nung Saina Nehwal-i PV Sindhu madak takok ngua lai iba asayamung taküm agi küm anabuba atonga aser ajak senteper pezübenbuba kokogo.
Saina-i 21-18, 21-15 agi Sindhu madak takok ngua liasü.
Taoba küma November ita iba asayamung final nung Saina-i Sindhu koka liasü aser Commonwealth Games nung anben tashi gold medal ngur alila yagi taküma iba asayamung tetsür kija asaya kokogo.
Tebur kija asaya final nung Sourabh Verma-i 21-18, 21-13 agi Lakshya Sen madak takok ngua küm ana atonga iba asayamung koktetogo.
Sourabh-isa 2016-17 edition nung Lakshya koka iba asayamung tebur kija asaya koka liasü.
Pranaav Jerry Chopra aser Chirag Shetty nati tebur tarep asaya 21-13, 22-20 agi Shlok Ramachandran aser MR Arjun madak takok nguogo.