Mokokchung DC-i sangdonger

Dimapur, Tsüklai/February 20 (TYO): 2019 Lok Sabha Election dak ajemdaker Election Commission of India-i, polling station ajak nung February 23 aser 24 nü vote agütsütsü temsüa aliba nisung shirnoksa tenüng züdoker lir parnok tenüng maneni züngoksemtsü atema special camps ka agütsütsü tetuyuba agütsüogo. Temsüa aliba nüburtem nem parnok vote agütsütsü temeden magini tanaben maongka agütsütsü atema iba camp ya ayongzüka akatsü.
Polling station ajak nung camp mapang Booth Level Officers (BLOs) temi 2019 electoral rolls final copy aser tejangrartem nem teyari agütsütsü atema forms 6,7,8 aser 8A bener ataa alitsü. Maneni special camp akaba mapang electors temi pei tata polling stations-i oa electoral roll nung parnok tenüng ali mali reprangtettsü,” ta Deputy Commissioner & District Election Officer, Mokokchung Nagaland, Rajesh Sounda Rajan IAS-i sangdong ka ajanga metetdaktsü.