BJP-i aniba NEDA nung UDP madener

Shillong, February 20 (Agencies): Meghalaya nung BJP-i aniba NEDA atema timtem ka ajuruogo aser ibaji United Democratic Party (UDP)-i BJP den tesentaktep pilatsü lemtetba lir.
Iba osang ya Hayithung Bill Lotha-i metetdaktsü. Tawa tu Hayithung-i ST and Minorities indang BJP National Secretary menden nungi anen.
Iba osang atema UDP Party vice president, Allantry Franklin Dkhar-i ashiba agi “Guwahati nung North Eastern Political Party tem külemi loktepba ajanga NEDA nung regional party tem mali kümogo.”
UDP ya NDA nung maden kechiyong NDA ya Parliamentary Alliance ka lir aser Lok Sabha mesüra Rajya Sabha nung ozü telok züngsem ka danga mali, ta Dkhar-isa ashi.
Donkupar Roy-i anir UDP-i Citizenship (Amendment) Bill anemer aser sorkari Inner Line Permit (ILP) maparen tenzüktsü atema mapa inyaktsü asüngdanger, ta paisa metetdaktsü.
Centre nung BJP-i tanaben sorkar kümra onoki CAB tanaben benoktsü ta taoba Deobarnü Amit Shah-i ashiba ajanga northeast state tem nung yimtenren aser lisopurtem teloktemi ola adoker.
Meghalaya nung NPP-i aniba sorkar nung UDP MLA 8 dena lir.