Assam nung tesayur mapa 36500 dak tema tazüng lir

Guwahati, Tsüklai/February 21 (Agencies): Bodhbarnü Assam Assembly nung state kübok school balala nung tesayur mapa 36500 dak tema tazüng aliba metetdaktsüogo.
AGP MLA Utpal Dutta-i asüngdangba telangzüba agüja state Education Minister Siddhartha Bhattacharya-i ashiba agi, state nung tesayur mapa 36523 tazüng lir.
Bhattacharya-isa, mapa tazüng aliba rongnung primary school tesayur mapa 17293, lower primary 10137 aser upper primary school tesayur mapa 7156 tazüng lir ta metetdaktsü.
Maneni high, higher aser Madrassa school tem nung principal 63, vice principal 512, subject teacher 1353, headmaster 956, assistant headmaster 253, assistant teacher 15923 aser demonstrator mapa 188 tazüng lir, ta paisa metetdaktsü.
AIUDF MLA Ananta Kumar Malo-isa Question Hour mapang education minister dang mapa paika tazüng aliba kuli asüngdangdanga liasü.
Iba tasüngdangba nung telangzüba agüja Bhattacharya-i, school temi Education Department nem tesayur mapa nungi anenba anogo atongba sülenang osang agütsür, ta ashi.
Paisa tesayurtem shimba inyakyim ya kanga talang lir, ta ashiba den school tem dang tesayur ka mapa nungi manen tsüngda anogo 180 lia Education Department nem metetdaktsütsü tetuyuba agütsüogo, aji asünungdang tesayurtem mapang shidak nung shimtettsü, ta ashi.
Ajisüaka BJP MLA Debananda Hazarika-i ashiba agi, district ajak nung school inspector temi tesayurtem mapa nungi anentsüba anogo jangjaa lir aser Education Department nem iba osang mapang shidak nung agütsütsüji parnok mapa lir, aji asünungdang tesayurtem mapang shidak nung shimtettsü ta ashi.