Uttar Pradesh nung BSP-i menden 38 aser SP-i menden 37 nungi tokteptsü

Lucknow, Feb. 21 (Agencies): Taruba Lok Sabha election nung Uttar Pradesh nung teloktep party ana- Samajwadi Party-i menden 37 aser Bahujan Samaj Party-i menden 38 nungi tokteptsü; tanü parnoki menden tarensen sangdonga liasü.
Bahujan Samaj Party (BSP) tongti, Mayawati aser Samajwadi Party (SP) tongti, Akhilesh Yadav nati taruba Lok Sabha election nung SP-i menden 37 aser BSP-i menden 38 nungi tokteptsü telemtetba agiogo, ta osang ka ajanga metetdaktsü.
SP lemzükba menden 37 rongnung Kairana, Moradabad, Sambhal, Rampur, Mainpuri, Firozabad, Badaun, Bareilly, Lucknow, Etawah, Kanpur, Kannauj, Jhansi, Banda, Allahabad, Kaushambi, Phulpur, Faizabad, Gonda, Gorakhpur, Azamgarh, Varanasi aser Mirzapur lir.
BSP lemzükba menden 38 rongnung Saharanpur, Bijnor, Nagina, Aligarh, Agra, Fatehpur Sikri, Dhaurahara, Sitapur, Sultanpur, Pratapgarh, Kaiserganj, Basti, Salempur, Jaunpur, Bhadohi aser Deoria densema tanga constituencies lir.
Ano külen SP tentetsang aser Akhilesh tebu, Mulayam Singh Yadav-ibo party ana loktepba atema mepelaba olen ka jembiogo. Tanü Lucknow nung party nung inyakertem den jembidang Mulayam-i, UP nung Lok Sabha election atema Mayawati-i aniba BSP nem menden tesadang ka agutsüba atema mepelar, ta metetdaktsü.