Kensep tasen atema rapper ka aginür: Dua Lipa

Tsüklai/February 21 (Agencies): Kentener Dua Lipa-i, la indang kensep tanabuba nung yariteptsü atema rap star ka aginüba indang lemsatepa liasü.
Arishi küm 23 tain pop star Dua Lipa, shibai BRITs 2019 sentong nung Calvin Harris den külemi atenba ‘One Kiss’ ken atema Best British Single award ngua liasü, lia ashiba agi, 2017 küm la indang mezüngbuba kensep ‘Dua Lipa’ den tatongtep kensep tasen ka yanglutsü atema hip-hop star ka den longjema ken mejema yanglunüba indang metetdaktsü.
February 20, 2019 Bodbarnü London yimti kübok O2 nung Daily Star sen jembiba mapang Dua-i, ”Features atema ni ano telemteba magi saka hip-hop star ka anioktsü atema ni asalentong yangludar,” ta ashi.
”’Electricity’ atema music video tangokba maparentem jangratemtsüka aser iba ya ni kanga meimer,” ta Dua-i ashi.