Kothandaraman asüba atema mangyimer

Kohima, February 21 (TYO): Nagaland Deputy Chief Minister aser BJP lenir, Y. Patton-i Legal Advisor to the Govt. of Nagaland, R. Kothandaraman ajungbena February 19 nü Chennai nung temelungjang tashidak agi asüba atema mangyimer, ta lemsatepogo, ta Media Cell Dy. C.M Office sangdong ka nung metetdaktsü.
“Asür, R. Kothandaraman ya kanga tongmelang aser ajemalu nisung ka lir. Talisa pa dak Parliamentary inyakyim aser ozüngtem indang shisatsü kanga liasü, shisadanger ka aser kaketzülur ka liasü. Paio Nagaland sorkar nem legal tesayuba aika agutsüogo, aser iba atemaji pa teti bilemtettsü,” ta Patton-i metetdaktsü.
“State sorkar, BJP Legislatures tenüng nung aser pa sasep nung Patton-i mangyimer kibong, kinüngertem aser tembartem den mangyim jashi lemsatepogo aser asür tanela tatem makai tesünep nung anisüngzüktsü sarasademtsür,” ta kasa sangdong ajanga metetdaktsü.