Dimapur DC-i sangdonger

Dimapur, February 21 (TYO): Dimapur DC & DEO, Kevekha Kevin Zehol-i sangdong ka ajanga, Election Commission of India (ECI)-i vote agutsütsü temsüa lir ser nung tenüng züngdoka alirtem enrollment atema February 23-24 anogotem nung Polling Station ajak nung special camps agitsü tuyuogo, ta metetdaktsü.
Taruba Lok Sabha 2019 Generala election dak sendakba nung election mapang nung temsüa alir ajaki enroll süa vote agutsütettsü atema campaign mode nung maongka agutsür, anungji Dimapur district kübok Assembly Constituencies 5 prongla nung Booth Level Officers ajak dang peipei polling stations nung special camps ayongzüka agitsü tuyur, ta kasa sangdong ajanga metetdaktsü.
(6:59:42 PM) Mokokchung nung Special camps agitsü
Mokokchung, February 21 (TYO): Mokokchung Deputy Commissioner & District Election Officer, Rajesh Soundararajan, IAS-i sangdong ka ajanga, February 23-24 anogotem nung vote agutsütsü temsüa lir ser nung tenüng mezüluoki alirtem atemna polling station ajak nung Special Camps ayongzüka agitsü, ta metetdaktsü.
Taruba Lok Sabha 2019 Generala election dak sendakba nung election mapang nung temsüa alir ajaki enroll süa vote agutsütettsü atema campaign mode nung maongka agutsür.
Tejangrartem form fill up asuba nung yaristeptsü atema special camps nung Booth Level Officers (BLOs) alitsü, anungji voters dang peipei polling station nung Special Camps semdanga electoral rolls nung pei tenüng reprangdangtsü mepishir, ta kasa sangdong ajanga metetdaktsü.