Nagaland team T20 National mezüngbuba asayaogo

Nagaland T20 team aser Support  staff  tem India team nungi asayar Irfan pathan den Vijayawada nung tangokba noksa nung angur. 

Dinapur, Tsüklai/February 21 (TYO): Nagaland team tanü mezüngbuba T20 National asaya ka nung shilem agiogo. Parnok Vijayawada, Andhra Pradesh nung Syed Mushtaq Ali T20 Trophy nung tang shilem tagidak lir.
Asayamung mezüngbuba asaya nung Nagaland team Jammu & Kashmir den asayaa liasü.
Nagaland skipper Jonathan Rongsen-i toss makokba sülen JK skipper Parvez Rasool-i parnok mezüng batting südaktsü.
Mezüng bat asüba sülen Nagaland team-i over 20 nung wicket 6 out sür run 136 yanglua liasü. JK team nung ya India team nungi asayar Irfan Pathan aser Parvez Rasool na densema lir.
Asaya tanabuba shilem nung J & K puri wicket ka out sür over 15.5 buba nung Nagaland team-i yangluba run menepa parnoki iba asaya wicket 9 agi akok. J&K pur indang wicket ka ya off spinner, Tahmeed Rahman-i agia liasü.

Score:
* Nagaland: Run-136, wicket 6, over- 20
* KB Pawan- 53 run, Jonathan Rongsen- 31 run
* JK: Parvez Rasool wicket 2
* J&K: Run 142, wicket 1, over- 15.5
* Abdul Samad- 76 run n. o., Jatin Wadhwan- 62 runs.
* Nagaland: Tahmeed- wicket 1.

Nagaland team tanungba asayatem yamai alitsü:
* February 22: Nagaland vs Andhra Pradesh, 1.30pm,
* February 25: Nagaland vs Manipur, 9.30am,
* February 27: Nagaland vs Jharkhand, 9.30am,
* February 28: Nagaland vs Kerala, 9.30 am,
* March 2: Nagaland vs Delhi, 9.30am.
Andhra den February 22 nü 1:20 ako nungi asayatsü aliba asaya aser Kerala den February 28 nü 9:20 nungi asayatsü aliba asaya ya Star sports two nung live sayutsü. Kasa mapang nung asaya ajak indang score tem BCCI. Tv nung online ajanga live agütsütsü, ta Nagaland Cricket association, Jr. secy, A. Rahman-i sangdong ka ajanga metetdaktsü.