R.N. Ravi den senden amentsü

Kohima, Tsüklai/February 21 (TYO): Home Department-i sangdong ka ajanga, February 26, 2019 nü nikongdang 5:00 ako nungi Hotel Vivor, Kohima nung Dy. NSA & Naga yimtenren ken o nung GOI Interlocutor, R.N. Ravi den consultative senden ka ayongzükogo, aser February 27, 2019 nü nikongdang 1:00 ako nungi Rhododendron Hall, Central Police Officers Mess, Chumukedima, Dimapur nung senden ka ayongzükogo, ta metetdaktsü.
Item senden nung adentsü atema lokti tentet kar jaokogo, ajisüaka kari danga R.N. Ravi ajurunüa lira February 23, 2019 anogo tashi nung lokti tentet indang osangtem den contact number, Special Secretary (Home) nem sshnagaland@gmail.com aser saravananips@vahoo.com ajanga agutsütsüla. Lokti tentettem/NGOs shirnok nem o jembitsütsü atema mapang agutsütsü, ibaji sorkari lemtettsü, ta sangdong nung shia lir.
Iba dak alia February 26 nü Hotel Vivor, Kohima nung nikongdang 5:00 ako nung ayongba senden nung tejaoker lokti tentet balala nungi Tirtem adentsü aser February 26 nü Hotel Vivor, Kohima nung nikongdang 2:30 nung ayongba senden nung Tribal Hohos ajak nungi Tirtem aser züngsemtem adentsü.