New Delhi, February 22 (Agencies): Tanü Supreme Court (SC)-i state 11 nung chief secretaries aser DGPs dang, kiralongrartemi Pulwama nung sepaitem amakba sülen Kashmiri nunger anema inyakba mapatem nokdangtsü atema mera agia inyaktsüla, ta tetuyuba agutsüogo.
Kiralongrartemi amakdang CRPF 40 asüba sülen state 11- Maharashtra, Punjab, Uttar Pradesh, Bihar, J&K, Haryana, Meghalaya, West Bengal, Chhattisgarh, Delhi aser Uttarakhand state tem nung Kashmiri nunger anema inyakba osangtem liasü; iba dak sendakba nung SC-i item state tem dang nungi telangzüba meshiogo.
Chief Justice Ranjan Gogoi-i aniba bench-isa, loktii nisung tepsetba nokdangtsü atema tamalen shima aliba nodal officers- police ketdangsertem dang Kashmiri nunger anema inyakba ken otemji nenok khuret asütsü, ta metetdaktsü.
Kashmir nunger anema inyakba atema temerenshi agutsütsüla: SC added by nungsang on
View all posts by nungsang →
You must be logged in to post a comment Login