BJP-i LS menden 12 nung takok angutsü: Sonowal

Guwahati, February 22 (Agencies): BJP Assam-i February 21 nü Dibrugarh nung aliba Chowkidinghee playground nung lokti sentong tulu ka ayongzüka agi.
Iba sentong nung jembidang Chief Minister Sarbananda Sonowal-i “aruba Lok Sabha elections nung BJP-i Lok Sabha menden 12 nung takok angutsü” ta party züngsemtem dang ashi.
“Assam nung Lok Sabha menden 14 lir aser iba nungi asenoki menden 12 nung takok angutsü” ta pai metetdaktsü.
2014 election nung BJP-i menden Lok Sabha menden 14 nungi 7 nung takok angu. Parnok sülen Congress aser AIUDF-i menden asemsem aser Independent candidate kati ka nung takok angu.
Iba sentong nung Dibrugarh, Lakhimpur aser Jorhat Lok Sabha constituency tem nungi BJP züngsem aika aden.