Mon DC-i Special camps atema sangdonger

Mon, Tsüklai, February 22 (TYO): Mon Deputy Commissioner aser District Election Officer, Thavaseelan K, IAS-i sangdong ka ajanga, vote agutsütsü temsüa lir ser nung tenüng mezüluoki alirtem atema February 23-24 anogotem nung polling station ajak nung Special Camps ayongzüka agitsü, ta metetdaktsü.
Taruba Lok Sabha 2019 General election dak sendakba nung election mapang nung temsüa alir ajaki enroll süa vote agutsütettsü atema campaign mode nung maongka agutsür.
EPIC (Electoral Photo Identity Card) card alirtemi electoral rolls nung pei tenüng repangdangtsüla, aser kuli kar ajanga electoral roll nung tenüng melira Form 6 fill up asütsüla. EPIC ya identification document ka dang lir, anungji pei Polling station nung aliba electoral roll nung tenüng melira EPIC ajanga vote magutsüatettsü, ta kasa osang ajanga metetdaktsü.