Foothill road atema tanü Tribal Hohos den rongdak senden ka amentsü

Dimapur, February 22 (TYO): NFHRCC-i sangdong ka ajanga Ao Senden, Chang Union, Konyak Union, Khiamniungam Union, Lotha HOHO, Phom Union, Rengma HOHO, Sangtam Union, Western Sumi HOHO, Yimchunger Union aser Zeliang Union Chairman/President tem dang February 23, 2019 anüngdang 11:00 ako nungi NFHRCC Office, Kher Mahal, Dimapur nung tongti Tribal HOHOs den rongdak senden ka amentsü metetdaktsüogo.
Wokha District kübok Ralan area nung Foothills road connectivity (Nagaland Trans-Expressway) indang lenmang tasen atuba onük dak sendakba nung February 20, 2019 nü Dimapur nung o tatsü-talang ajak asadanga o lemtetogo, iba dak sendakba nung February 23, 2019 anüngdang 11:00 ako nungi NFHRCC Office, Kher Mahal, Dimapur nung tongti Tribal HOHOs den rongdak senden ka NFHRCC-i ayongzüktsüsa akum, anungji ajak dang iba senden nung medema adentsü mepishir, ta tanü NFHRCC Convenor, Supu Jamir aser General Secretary, W. Lemba Chang nati sangdong ka ajanga metetdaktsü.