Pakistan sorkari JeM indang headquarters atsünga agi

New Delhi, February 22 (Agencies): Hokolbarnü Pakistan sorkari Jaish-e-Mohammed indang headquarters atsünga agiogo.
February 14 nü Pulwama nung CRPF convoy amakba atema JeM-i tenüng agia lir.
Punjab province nung sorkari Bahawalpur nung aliba Madressatul Sabir aser Jama-e-Masjid Subhanallah atsünga agiogo. Iba ya Jaish-e-Mohammad indang headquarters lir aser sorkari iba tesem nung ketdangsütsü atema administrator ka shimogo, ta Pakistan interior ministry-i metetdaktsü.
Taoba hopta Pulwama nung CRPF sepai 40 tashi tepsetba inyakyim atema United Nations Security Council (UNSC)-i Jaish aitsüba sülen Pakistan sorkari iba mapa inyakogo.
Kiralongrar nem senotsü agütsüba maparen mita reprangba telok FATF (Financial Action Task Force)-ia iba kiralongraba mapa aitsü.
Pakistan-i Jaish-e-Mohammad aser Lashkar-e-Taiba ama kiralongrar teloktem junga mangateter aser iba jagi parnoki menokdanger, ta FATF-i Hokolbarnü metetdaktsü.
Pakistan Prime Minister Imran Khan-i National Security Committee (NSC) senden ka amenba sülen anogo ka lir sorkari Jaish indang headquarters atsünga agi.
Pakistan sorkarisa Mumbai amaktsü tasa atongsang Hafiz Saeed-i aniba Jamat-ud-Dawa (JuD) aser parnok indang charity kongsang Falah-e-Insaniat Foundation (FIF) ozüngi memelaba telok ta noktangogo.