Ibai nenok tai liasü

Yisu shiba nenoki süngdong ka nung metaa tepset asen tsürabur Tsüngremi pa shia arudaktsü. T. Mapa 5:30
Peteri Yihuda nunger den parnok tetsü-tebou Tsüngrem indang jembia liasü. Petera Yihuda nunger ka asü nung parnoki pai jembiba shidakji angatetta liasü. Mezüngbuba parnoki, Yihuda nungeri Yisu südaktsü ta Peteri ashi. Parnoki Yisu anema jembi, ochi mesüi O bendang aser Pa kangki nung angenlok. Saka ibaji atangji Yihuda nunger asü mesüra alima rangpen temenen? (1 Yohan 2:2). Hau, ibai Yihuda nunger aser alima rangpen temenen liasü, ne menen aser kü meneni Yisu kangki nung südaktsü. Ibaji kanga tebur majung osang lir.
Saka osangtajungji Yihuda nunger Tsüngrem, Peter Tsüngrem aser ne Tsüngrem aser kü Tsüngremi Yisu tasü nungi shia arudaktsü. Yisu na aser ni asoshi asübaji tamamangtsü saka shidakba tesüngmangtsü Pa tasü nungi shia aru (Yohan 10:18), Pai asenok asoshi tasü madak takok angu. Koda teyimla tulu Pai agütsü. Asenok temenen tatok agütsü nung asenokia tasü madak takok angutsü aser asenoki kotak nung Pa den yimsü asütsü.
Yisu, kü menen asoshi Na kangkii tudaktsüba atema ni kanga jashir. Yimlibilema kü dang tokang aser ni tanü temeshi taküm alitsü yariang. Amen.