John Krasinski-i ‘A Quiet Place’ direct asütsü

Tsüklai/February 23 (Agencies): ‘A Quiet Place’ den tatongtep film ka direct asütsü atema John Krasinski-i osang jangjatsüogo aser film ya taruba küm sayatsü tebilemba lir.
2018 küm sayaba horror movie ‘A Quiet Place’ den tatongtep yanglutsü aliba film ya John Krasinski-i direct asüba den külemi pai shilem agitsü aser kasa mapang pa kinungtsü Emily Blunt-i ano shilem agiba angutsü.
John shibai original movie ‘A Quiet Place’ nung shilem agia, direct aser tangar den külemi züluogo pai Instagram ajanga movie nungi noksa den külemi iba sequel #PartII yanglutsü lemsatepa liasü.
Taoba project nung tanur shilem agir Millicent Simmonds aser Noah Jupe nati tanaben pei shilem agiba angutsü.
Iba sequel ya May 15, 2020 nü saytsü.
Arishi küm 39 tain John-i mezüngbo sequel ka yanglutsü bilema maliba indang lemsatep saka paisa taruba movie atema otsü ka zülutsü mulungtet.