Otzü ya takar!

– S.Nuken Longkumer, Dimapur, Nagaland

England yimli nung anü malur ta jembiba mapang Austrila lima ya mesemtet ta otzü bushirtemi ashir, iba densa nung Australia lima yagi England Govt.-i nisung tepseter aser ashikelakertem aourtem ayudak tesem ka liasü ta otzü agi sayur, tanübo Australia lima ya alima ajunga madak sayutsüngir timtiba country ka kümogo! Yepru mepong aser azütokshi tamajung menoknok ama osang tamajung kecha mangashidangba missionary miriyang 89,000 aliba lima ka kümogo? Yamaji Naga lima missionary lima akümtsü jembir! Naga lima nungi missionary 10,000 aotsü jembiogo? Australia lima tamajung nungi tajungtiba akümba ama Naga lima tajungtiba akümtsü shibai inyaktsü! Tsüngremer yimliji talang lir! anungji Rom yimli yangludang küm aika agia yanglutet? Govt. tasen ka yanglutsü bener aotsü atema küm ishikabo mesüra ita ishikabosa akümtsü agitsü masü na! anungji asen nüpurtemi tang aliba Govt. nungita yaritsü tim! Par Government-i lemang junga yanglutsütsü mangzüka lir! Naga nunger atema paper mill tanaben yanglutsü tamang? Akar aser inyaktsütsü? Temeim aser tenüngsang agütsütepba ajanga teraksatsü tongpang aika kokteter? Tenükmerem aesr arishitep ajanga alima telungi aor ta meteta lir? Tangar lima ajungba indang jembitepa kazüteptsüba masü asen lima yanglutsü aseni inyaktsüla? Car lemang tilalao laopka lir, saka lemang den meputep RCC tembo Dimapur yimti sünga yanglutetogo? Küm aika jembia arur Assam lima ajanga mejajatsü, olabo tulu saka mapa maka tia nung lir? Sen aruba ochishia amshi nungbo France lima Paris yimti naro tsüki ama yangluteter lila? Chief Minister Rio-bai nangzük ama lemang atema tashi ajak agütsütsü koda jangaratemtsü! Lemang ya tashi temeteter tulutiba lir? alima matem tashi takar?