Tenüng tajungji senti mozü tang tajungba

~  Mrs. R. Mapukala Pongen, Merangmen, Tzürangkong.

Asetkong nungi tashir watidak Mongchen Longpa Yim nungi, kodaker shiti bener San nuker wapong R.IMSOTEMJEN AIER, Tsüngremer tesangwa milen tsükloka bener.Anutsüng nungi tesangwa tilaka peranga atok medem.Temunungratsüka MERANGMEN BAPTIST AROGO pushia küm 2012 February 12 anugo nung tetsüng ajemok. Ozü Arogo asoshi chichiba Tsüngremer mangtangji ibai liasu.
Rome yimti künu yongi meyanglu,shin o nung ashi ama, shisa aika makaka Paul sayutsüngir ama.tesungmangtsüka.Tanülar yinsem tajung koba agi nemzüba pur jendi tsüngtetogo, yimjen yima aliba ayong ama Tanen makai Tsüngremer tanüla o bener nuktzü yima anipelem yong, Anepong azüngtsü manung hon sentsü prangshi medem.Tanüla temeshi temoatsü meküplokja jeta watiteper.
Sensaker leni maor nisungi,temeim akaba takar ka ajuru ama,Adianu,kidang kimang,chimurtum den tanülai jembi tenzük.Meküru-i talubosa agütsüba rongsen agi.Tanübo khristar Arogo tera yangtettsüogo ni. ….. Tanen makai moajangni. .. ya ozü niibur sarasadem,tebangibo meshimatsü,Meyiba ngulanglang.Tsüngrem nungi ya tsüngchi O. Tzützü marok ka agütsübajia Tsüngreml meyiba moatsütsü.
Tanü nur santem.nuktsü aneter OH ! Sannüker tajung.Tenung dak jalok khristar ranula wadang temjena inyaktetogo.Na tongmelang,ochi,anipelem meshisangyong.Tsüngremer senpetbo sen agi malirji.Nukpoker len aniba ajok ama.Tsüngrem mim 0 jungkai atoka ashidang,lendong aika nungi jenbo-ogo, jogo tangbo ozü milen sepogo,ya koda sula ta raramadar.Shisakar Solomoni zülu medem,meimchir asoshi mapang tataktet lir.Ya ozü-i ajuruogo.
Meponglak sungsem lane mesük nu mapa tajung sadaka angur.Akümli nungsa lia naibo mapang tajung alangzüktetogo.Nai inyakba mapatem mesuliwa tenting asangtsüsa lirji. Tanülar metsü remtenba mongpo nung aruba ozü-ang mesük.Abensatsüogo-ja ta tanü ali-a anokshia jembidarji. ya tanga masu.Teyarir tetemsu kinungtsü Watsü Limanaro,Ajemalu,teyarinu,tila kümtetba.ajak den sako litetba yong Tsüngrem tenzüker kinungtsü ajak nai ajatetogo.
Tsiingreml Yakob moatsü ama,Teyangluri nur kibong nuka liang.Akümli wadang
nung,takok aser temoatsü.arishi tajung moajangma.Nur jala,jabaso,Semchisemnur tashi azükarojang. Molu-lisem züngdangtsü makok den sako meimchir otzüsutsüsa. Alizüng tongtetogo ni.. .. ta washia,ororo atena,Kodak nukla nung,Oh ! Tamangtir shisa rajem,alaka shimtetba tanülar walunir,Putu jendi suiaka.nur taküm otzübo teti sakü tang Iidakjang,Oliye sungdong ama tatishitsü tajung asutsü.Kodak matong tashi Sannüker taküm aser kibong Tsüngrem nai moajangni. …. Amen.