Mon district hospital nung Sanitary Napkin Incinerator inok

Mon, Tsüklai/February 23, 2019 (TYO): February 22, 2019 nü Mon Deputy Commissioner, Thavaseelan K, IAS-i District Hospital Mon, RDC building nung Sanitary Napkin Incinerator semzüktsüogo, ta ketdangsertem osang ka ajanga metetdaktsü.
Beti Bachao Beti Padhao (BBBP) campaign dak sendakba nung ADC aser Mon Town Council Administrator, Kumar Ramnikant, IAS-i Sanitary Napkin Incinerator ya tenla agüja liasü.
Iba sentong ya SMO, Dr. Supongmeren lenisüba nung agia liasü aser Dr. Wungyong (MS I/C)-i tepela anküp o jembia liasü, ta kasa osang ajanga metetdaktsü.