Startup India Nagaland Yatra sentong takok ngua agiogo

Kohima, Tsüklai/February 25 (TYO): Kohima kübok Capital Convention Centre nung February 25, 2019 Hombarnü Startup India Acceleration Nagaland Yatra finale sentong agia liasü.
Iba sentong nung Agriculture category nungi Peihauding Team-i ‘Hero of the State’ award angu aser iba den külemi parnoki senpet sen lakh 1 agizüka liasü. Nagaland state nung ‘Startup’ tajungtiba nem iba award agütsür, koba, state indang rongsenketsüng renlokba aser kiojen nung yaritsü atema tashi aliba sayur.
Iba sentong nung Commissioner & Secretary, Industries & Commerce, Lithrongla G. Chishi-i sempet lema agütsüba mapang, lanur entrepreneur tem mapa tasen purapitettsü atema jangrabangra inyaktsü atema lokti nung temelenshi balaka bener arutsütsü asoshi tajungshiba agütsü.
Kasa mapang, Ketuneikho Yavio & Team-i technology Startup nung best Innovative Idea award ngua liasü. Iba den külemi Social Startup atema Limayapang Longkumer & Team; agriculture Startup atema Zenwang Konyak & Team-i best Innovative Idea aser Top Women Entrepreneur jenjang nung Wondangla Shitiri & Team (Agriculture) nungeri award agizüka liasü.
Nagaland state nung entrepreneurship ajungketsütsü atema, nodal department ama Directorate of Industries & Commerce den Startup Cell ka amenokogo. Startups indang nüngdakba den patent rights tenzüktsü atema 2018 küm Department of Science & Technology den longjema Intellectual Patent Rights cell ka amenoka liasü.
Iba finale sentong nung college balala nungi Startups ajak agi 30 tashi shimtetsü atema tetendangertemji Principal NTTC, Er. Petehetuo Miasalhou, Deputy Director, Department of Information Technology & Communication, Er. Daniel Krocha, Consultant & Entrepreneur Yanpvuo Kikon aser Youthnet Director, Hekani Jakhalu nunger liasü.
Startup India Nagaland Yatra sentong ya Department of Industries & Commerce-i Invest India, Department of Industrial Policy & Promotion (DIPP), Government of India den longjema ayongzüka liasü. Iba Startups atema Incubation partners rongnung NTTC, SASRD, NIT Nagaland aser NIELIT densema lir.