Mokokchung nung March 5 nü RTI awareness sentong ka agitsü

Dimapur, Tsüklai/Feb. 25 (TYO): Nagaland Information Commission ajanga ADC (Planning) Conference Hall, Mokokchung nung March 5, 2019 anepdang 10:00 ako nungi tenzüka Right to Information Act (RTI Act) 2005 indang awareness sentong ka ayonga agitsü.
State Chief Information Commissioner, Chanbemo Lotha-i anir aruba ketdangsertemi iba anogo awareness sentong ya District ketdangsertem, talisa First Appellate Authorities (FAAs), Public Information Officers (PIOs) aser iba den külemi NGOs, College students, Arogotem, village council, MMC, tetsür lokti tentet, civil society aser RTI Activists amala telok nungi züngsemtem den agitsü.
Iba sentong nung State Chief Information Commissioner, Nagaland ajanga RTI Act 2005 indang power point presentation agütsütsü aser iba sülen sentong nung adenertem den sensaksem akatsü. Iba sentong nung tamalen shia aliba lokti tentet balala nungi arua adentsü asoshi mepeshia metetdaktsür, ta ketdangser sangdong ka ajanga metetdaktsü.