Dimapur nung Nodal Officer tem senden ka amen

Dimapur, Tsüklai/Feb. 25 (TYO): Deputy Commissioner Dimapur, Kevekha Kevin Zehol, NCS shiba District Election Officer Dimapur lir, pai February 25, 2019 anogo Conference Hall, DC Dimapur nung 2019 Lok Sabha election ketdangsüa agitsü asoshi telok balala lemsaa aliba Nodal Officer tem den senden ka ayonga menogo.
Lok Sabha election takok ngua agitettsü asoshi ketdangsertem dang pai akokba agi yariteptsü Kevin-i ajungshi aser election duty nungi shinga atsüngzüka maotsü metetdaktsü. Pai transport ketdangsütsü asoshi shimteta alirtem dang election anogo sangdongba mapang garitem requisition asütsü atema requisition paper tem renema atatsü shiogo.
Kasa senden nung Assistant Election Officer Dimapur, Roland Merry-i team balala nungi nodal officer tem dang parnoki inyaktsü mapatem tejangja nung rateta shia liasü.