NPF-i Assembly Draft Resolution magizüker

Dimapur, February 25 (TYO): Taoba mapang Nagaland Ownership and Transfer of Land and its Resources Act 1990; 74th Amendment Act on 33% Women Reservation, Petroleum and Natural Gas etc; Article 371(A) ozüngtem yangludang Centre sorkar ajangzüktsü atema dang bilema yanglu, anungji asenoki Citizenship Amendment Bill odang magizüktsüla aser Arrla 371(A) ajanga lisopurtem temeten kümzüka ayutsü ta zübazüba mebilemtsüla, ta NPF Legislature Party-i metetdaktsü.
Nagaland State sorkari Article-371(A) aser BEFR, 1873 den Citizenship Amendment Bill meyoktepba ya shisa maka lir. Asenoki Citizenship Amendment Bill magizüker saka külen asenok Article-371(A) mesüra ILP ajanga kümzüka lir ta bangzüng renemtsü makok, ta NPF Legislature Party Spokesperson Imkong L Imchen-i ashi.
Iba tangatetba nung ajemdaker Article-371(A) tali akangshitsü atema NLA Speaker dang Special Session ka ayonga agitsü ayongzüker. Citizenship Amendment Bill atema Assembly Draft Resolution nung Point No. 3 & 4 agienang ta onoki tanü assembly nung takhangba agütsüba magizükba agi NPF MLA 26 prongla senden nung medeni kimai alu, ta Imkong L Imchen-isa shisem.