Kija, saka pa dak külemi

Temeshi Oba, asenok kechi koda ka dang lir, aji oda parnoka ka dang alitsüsa, nai shir kü nem agütsü, parnok Ne tenüng nung sotang. Yohan 17:11
Asenok meimchirtem kija lir. Iba tetezü, asenok kija shia pei bilemba nung shibanga lir. Asenok tangatettep nung yanglu (asenoki asen mesükba nung nisung yangludi) koba ajanga asenoki tangar tongteter saka parnoki shidakba jaklaji mesayur. Kibong nung asenok meyoktepba külemi alir saka asenoki parnok temulungjang nung kechi lir kodanga mangur. Nütsüi sapuba sentsüji kechi ? Lai yashi ne dang ashiba tanüa kasaji dang asü ? Nai bilemtetter asü ?
Tebilemtsüji, yimya agi asenok ajak pei lima teyongtsü südaktsütsübaji lir. Tangar atema asenoki bilemtsütsü melen tangariang asenok atema bilemdaktsüner. Asenok junga angar, masü junga jembir dang akümer.
Asenok ajak teti taküm asoshi masü saka pei atema dang bilemba nung sapanga lir. Yisu asüba aser shia arubaji asenok iba tesapangba nungi salatasü asoshi Tsüngremi inyakba mapa lir. Asenok Pa den alitsü aser Pa asenok den alitsü asoshi Tsüngrem temeimi ajak atonger. Pa O aser temeshi mapa ajanga Pai asenok atongba ajanga Pa temeimi tangar atonger aser Pa temang, arogo nung tenük telen ka-ka akümtsü tangar anir arur. Tsüngrem ka dang aliba ama, tatem maka taküm nung asenok kija takümji tabensa telungjem akümtsü.
Kibuba Yisu, ozü temeim Kümtetdakba, Na, Tebu aser Tanela Temeshi ka dang aliba ama tamang ajanga onok Ne dak ka küma lungjemdakjang. Amen.