Wokha Police-i temesepba mozütem apu

Dimapur, Tsüklai/February 26 (TYO): Osang tejangja angazükba nung ajemdaker Wokha jila kübok tesem pungo lemsar, February 18, 20 aser 21 anogotem nung Wokha Police-i item tesem kanga dang sashia mita oa liasü.
Item tesem mita aoba mapang Wokha police-i Spasmo Proxyvon capsule 834, Nitrosun tablet 624, brown sugar/heroin gram 355, Ganja/Cannabies packet 110 (720 gram) aser sen 65,260 (meyirjang rokerpongu, sen noklang ana ser roker) putet, ta ketdangser osang ka ajanga metetdaktsüogo.
Item temesepba mozü amshiba maparen dak sendakba nung police-i nisung 6 pua liasü.
Wokha police station nung NDPS & DC Act indang section kübok iba inyakyim anema ken o balala pezü benokogo, ta kasa osang ajanga metetdaktsü.