DDGBA ketdangpur senden amen

Dimapur, Tsüklai/February 26, 2019 (TYO): 2019 – 2023 kümsük atema DDGBA (Dimapur District GBs Association) ketdangpur tasenpurtem mezüngbuba senden Hombarnü (February 25, 2019) nü senden menogo, aser iba senden nung Tokuho Neho (taoba mapang DDGBA Tir) Chief Advisor shim, Hukavi Zhimmomi (Advocate) Legal Advisor shim aser L. Ponghok Phom Vice – President shim, ta DDGBA President, Khehovi V. Chopi aser Publicity & Information Secretary, R. Changkum nati sangdong ka nung metetdaktsü.
Tawa sangdongba ama DDGBA kübok Administrative units 8 prongla dang, New Delhi nungi RN Ravi (Interlocutor & Advisor NSA) Dimapur nung agizüktsü atema tajemba agia GB 20 bosa 26/02/2019 nü GB indang uniform agir Dimapur Airport-i yoktsü nenshia metetdaktsür, ta kasa sangdong nung shia lir.