NSCN (Unification) nungi ketdangser 14 NSCN dangi meyip

Dimapur, February 26 (TYO): NSCN (Unification) nung civil aser army wings nungi ketdangser terpezü (14) NSCN dangi meyipa tanü tenangzükba agiogo, ta tanü MIP, GPRN sangdong ka ajanga metetdaktsü.
Parnok pelaa agizükba aser sarasadem sentongji Council Headquarters (CHQ), Hebron nung agi.
Naga mainstream bushiba atema GPRN-i pelar aser parnok pelaa agizüker, ta sangdong nung shia lir.
NSCN dangi meyiper rongnung Kilonser ka, Deputy Kilonser ana, Leacy ana, Razou Peyu ka, Brigadier ana, Colonel ka, Captain ana, Lieutenant ka, Corporal ka & Under Secretary densema liasü, ta kasa sangdong ajanga metetdaktsü.