Rs. 18026.10 crore budget agizüker NLA session tembang

Kohima, February 26 (TYO): Mongulbarnü 2019-20 financial year atema Rs. 18026.10 crore budget agizükba sülen Nagaland Legislative Assembly (NLA) tembangogo.
Yashi Chief Minister Neiphiu Rio-i budget benok aser tanü iba atema olemtepdang Opposition Leader T R Zeliang-i anir opposition MLA 11-i iba ya “benjungbentsü, südoksünem aser touring budget” ka lir aser sorkari sen endokba osang dang lir ta ashi.
Ajisüaka, ruling MLA 7-i iba ya “peoples’ friendly budget” tajungtiba lir kechiyong sorkari tax tasen kecha mebenok ta posema noktak,
“Budget dak sendakba nung tajung aser tamajung ashiba onüktem ajak agizüker aser sorkari nübortem asoshi tebilembatem agizüka mapa inyaktsü, anungji opposition MLA temi cut motions meyipa agitsü mepishir” ta Rio-i ashi.
Idangji Opposition Leader TR Zeliang-i ‘onoki cut motions mebenokra minister temi telangzüba shitak magütsütsü aser ano parnok karbo Assembly nung maden” ta langzü.
Tarutsü nungbo department balala nung minister incharge tem renemer arutsü aser Assembly khuret senzüka meyutsütsüla ta paisa metetdaktsüba sülen opposition züngsemtemi sorkar cut motion 82 anema cut motions benoka aliba meyipa agi.
Iba sülen Deputy Speaker Zhaleo Rio-i demands for grants (budget) aser Nagaland Appropriation (No. 2) Bill benok aser voice vote agi agizüka ayu.
Iba Bill ajanga sorkari Nagaland state indang senpong nungi Rs. 18026,10,88,000 agizüktsü tashi agütsür.
Zhaleo Rio-i 2019-20 indang Assembly atema luden tasentem shimba osang metetdaktsüba sülen 13 buba NLA indang session tasembuba tembang.
February 21, 2019 nungi assembly tenzüker agia arudang sorkari Citizenship Amendment Bill (CAB), 2016 magizüker ta asüba Government resolution agizük saka iba ya Opposition züngsemtem magizüker ta sayua parnoki senden nungi medeni kimai alu.
Assembly nungsa starred questions 33 aser unstarred questions 28 benok aser ananü tashi Urban Development Metsubo Jamir-i Rural Development department indang telangzüba ashishia Opposition-i lungkak ait.
Tang agiba assembly session nungsa Nagaland Lokayukta (Amendment) Bill, 2019, Nagaland Nursing Council Bill, 2019 aser supplementary demands for grants for 2018-19 agizük.
Anogo tatembuba nung Nagaland Legislative Assembly (Disqualification on Ground of Defection) Rules, 2019 agizüka ayu.
Tanü Chief Minister Neiphiu Rio-i power department indang Nagaland State Power Policy 2018, Industries & Commerce department indang Nagaland Startup Policy 2019, Nagaland Fire & Emergency Service Rules, 2018, 52nd Annual report (April 1, 2017- March 31, 2018) of Nagaland Public Service Commission, Annual Report 2017-18 of Nagaland Information Commission aser Nagaland Economic Survey 2018-2019 of the economics & statistics department benok.