Tsüngremi Mulungba – Yona 1:2

Mosai Tsüngrem dang ashi, Farao dangi orr Ijip nung Israel chirtem anitettsü, ni shiba ? Anitet 3:11
Tsüngremi meimchir yangluba asoshi Pa temulung nung jashia bilem (Lipok 6:6) aser parnok tatemzükba atema Laishiba ajunga nung Tsüngrem asoshi memelungi raraba asenoki angur. Isaiaibo, “Ni yangi lir. Ni yokang!” ta shiaka teimbai Tsüngremi ajaba, “Ni, Kibuba? Ni masü! Pa yokang!” ta langzür.
Mosa yamaji liasü. Tsüngrem tenzükba mapai ajadang, pai meimchir telangzüba agütsü. Pai pa tashi mait, pa merenemi aliba aser mabensaba kuli agütsü. Saka Tsüngremi Mosa aginü. Mosai memeteti pai küm aika iba mapa asoshi renemja liasü. Mosa ajanga inyaktsü Tsüngremi renema liasü. Mosai ibaji tinentsütsü merang.
Tsüngremi tanga Pai shirnok amshiner parnok renemtsür. Tanela Temeshi O aser temeshi mapa (sacrament) ajanga tashi agütsür. Tangar nisung tebur aser tetsür Tsüngremi amshia parnok tatishitsü tajung ajanga Tsüngremi asenok ajungshia renemdaktsür. Iba lenmang ajanga Pai tebu, tetsü, sensotem, mapa inyakertem, pastors aser tesayurtem renemdaktsür. Ajaki Khrista otsü shia, Pai mulungba inyaker.
Asenoki sangwadaktsütsü Tsüngremi ajungshir. Kodang Tsüngrem ozüng jangratsü tenzükdir Pai milen, totzü aser metsüktsü agütsür ta asenoki angatettsü.
Onok tenzükba mapai jaang, Kibuba, aser Ne Tanela ajanga Nai onok koda renemtsür onok dang sayuang. Amen.