2021 nungibo Nagaland nung 24X7 power angutsü

Kohima, February 27 (TYO): Nagaland State Power Policy 2018 nung 2021 küm tashi nung state nung aliba consumers ajak nem power tanen makai agütsütsü alizüng yua lir.
13 buba Nagaland Legislative Assembly (NLA) indang session tasembuba tembangba anogo nung Chief Minister, Neiphiu Rio-i iba Policy benok.
Rongsenkettsüng renlokba nung power-i tongtipang shilem agir aser power shitak aser peria mengura rongsenkettsüng dak sendakba mapa tulu inyaka moutettsü ta ajiteta Nagaland Power Department-i power policy ka yanglutsü lemtet.
Nagaland state power policy indang nükjidongji generation, transmission aser distribution infrastructure peria yanglutsü aser 2021 küm tashi nung ajak atema 24X7 power agütsütsü alizüng atongtsü atema lir.
Nagaland nung mapatongtem ajungkettsü/inyaktsü atema state sorkari state generation utility (Nagaland Power Development Corporation Limited- a state government undertaking) ka tentettsü.
Iba state generation utility ajanga Special Purpose Vehicle (SPV) tenteter tanga company tem den külemi mapa inyaktsü.
Nagaland nung aliba Hydro/Solar projects Small Hydro/Solar Projects (upto 25 MW), Medium Hydro/Solar Projects (Above 25 MW and upto 100 MW) aser large Hydro/Solar Projects (above 100 MW) lemsatsü.