‘Sovereign’ nung Mahershala Ali adentsü

Tsüklai/February 28 (Agencies): Tawa Academy Award sentong nung Oscar angusang Mahershala Ali-i taruba science-fiction movie ‘Sovereign’ nung shilem agitsü mulungtetogo.
Marc Munden-i iba project direct asütsü aser ‘A Quiet Place’ otsü zülur Scott Beck aser Bryan Woods nati iba project atema script zülutsütsü, ta osang ajanga metetdaktsü.
“Iba project “Green Book” yanglutsü atema tetemjen actor mangu tsüngda onoki mapang talangka nungi yongya aruogo, koba sempet tajung alisang Mahershala Ali tetemjen asütsü ta onoki asadangtetta liasü,” ta Nick Meyer-i ashi.
2017 küm sayaba ‘Moonlight’ nung Best Supporting Actor atema Ali-i Oscar anguba sülen taküm küm kasa jenjang nung pai tetushi sempet anguba ya pa indang tanabuba Oscar asütsü.