Dimapur Clinical Spa nung Silkpeel Dermal lapokogo

Dimapur jila kübok February 28, 2019 Brihostibarnü Clinical Spa, Family Health Clinic nung (abilen) Nise Meruno-i Silk Peel Dermalinfusion lapoktsüba yangi noksa nung angur. 

Dimapur, Tsüklai/February 28 (TYO): February 28, 2019 nü Dimapur nung Clinical Spa, Family Health Clinic nung musician aser kentener, Nise Meruno-i Silkpeel Dermal infusion lapoktsüogo. Clinical facial tsütsü Silkpeel Dermal ya alima nung kanga dang advance aser technology tasen ka lir.
Dermal infusion ya sentsü ajungtsü atema anepaluba maparen ka lir kong condition-specific serums indang exfoliation, extraction aser infusion densema lir. Iba dermal infusion ajanga asen tejak nung hyperpigmentation, wrinkles, uneven texture, dryness, oil prone skin aser roughness alibatem yanglutsüba den külemi aneptsür.
Iba treatment ya khen dang agir anen yonga asen sentsü majentsü, aser anogo aika atema tejak sentsü tajung den süsü süsüa alitsü. Dermal infusion treatment khen atema dang agiyongjia tejak sentsü khenyongi melenshiba aseni ajitettsü.
Dermal infusion technology inyakyim tsütsü Pro-Infusion serums ajanga tongtibang shilem agir. Nisunger sentsü aser tepor melenshitsüba maparen nung serum shia dak advanced research indang product inokja lir.
Temang aser sentsü anepalutsü jangrartemi, dermal infusion treatment ya tejak atema dang masü saka tekolak nungi temesüla tashi agitettsü. Mapang kangarabo meindoki tejak aser tekong atema iba treatment ya minute 20 nung ayonga ayonga agitetter.
Nagaland state nung medical spa ji Clinical Spa ya dang asütsü. Iba spa ajanga facial rejuvenation aser surgery medeni temang nung temo talila ajemdaktsütsü atema technology tajungtiba amshia anepalur.