Battalion Hq, Alichen nung HIV/AIDS sensitization workshop ka agi

Mokokchung, Tsüklai/February 28 (TYO): February 26, 2019 nü Battalion Headquarter, Alichen nung Law Enforcement Agency den HIV/AIDS aser Harm Reduction indang sensitization workshop ka agiogo, ta district ketdangsertem osang ka ajanga metetdaktsü.
Iba sentong nung shisalen sayurtemji Kripa Foundation, Kohima nungi Project Director, Abou Meri aser Makshi, DPO, DAPLU, Mokokchung na liasü.
Iba sentong ya Kripa Foundation, NSACSA, FH1 360 aser 2nd NAP Battalion-i senteper ayongzük.
Iba wokshop nung unit nungi ketdangsertem aser sepai ajak senteper parnok 130 shi denogo, ta kasa osang ajangasa metetdaktsü.