Pilgrim Hr. Sec nung Science Day among

Dimapur, February 28, 2019: February 20, 2019 nü Pilgrim Higher Secondary School, Dimapur nung National Science Day anogomong amongba sentong nung kaketshirtemi Solar system inyakyim (abelen noksa) aser menoknok anokba indang  sayuba noksa nung angur. 

Dimapur, February 28 (TYO): India nunger nüngtugu Physicist, Sir C V Raman-i Raman effect shisatetba nüngtem nung Pilgrim Higher Secondary, Dimapur-i February 20, 2019 nü school Chapel Hall nung ‘Science for the People and People for Science’ omen nung ajemdaker National Science Day mongogo.
Iba anogomong nung Scientific club nungi kaketshirtemi Science maparen balala saya aser models balala amshia Volcanic Eruption, battery amshia Earthquake tremor, Solar System, Science tricks, “3Rs”, Recycling indang Slideshow ajanga tesayuba agutsü aser alima tatsükba akumba indang jilushi tatsü ka sayaogo.
School-isa tawa Science Centre Dimapur nung agiba ‘Explore the Possibilities – Reduce and Reuse’ workshop nung mezüngbuba jenjang angur kaketshirtem nem tetushi agüja liasü.