MTLT-i Mkg DC dang post balala atema tatidang junga agitsü mepishir

Mokokchung, Tsüklai/February 28 (TYO): Aenjeti/ January 17, 2019 anogo osangkakettem nung Dobashi, LDA-Cum-Computer Assistant, Driver aser Grade IV post balala atema tatidang agitsü sangdongba dak sendakba nung Mokokchung Town Lanur Telungjem (MTLT)-i item tatidangtemji nübur ajangzüktsü atema kanga junga agidaktsünür, ta Mokokchung Deputy Commissioner dangi züluba shidi ka ajanga metetdaktsüogo.
Item post atema tatidang agiba mapang, ochi mashiba mesüra radaksodak maparen kar danga putetra, RTI Act amshia ochimashiba anema mittsü, ta MTLT-isa tekümdangtsü olen ka kasa shidi nungjisa shia lir.
“Political mopungsem kecha meli-i nübur ajangzüktsü asoshi sorkar bangdaki iba tatidangji kanga junga agidaktsünür,” ta MTLST-isa mepishia metetdaktsü.