DUDA Directorate Office lapok

Dimapur, March 1 (TYO): March 1, 2019 nü Kohima nung NPSC Office anasa DUDA Directorate Office ki tasen lapokogo.
Sentong nung o jembidang Chief Minister, Neiphiu Rio-i Department, contractor, consultant aser iba mapa nung yariteper ajak dang pelaba metetdaktsü.
Iba ki ya sen crore 10.96 endoka yanglu. Eastern Nagaland nung infrastructure ajungkettsü aser life skill sayuba den pei sasa liteta aotsü teyari agütsütsü atema DUDA Department ya June 2003 nung tentet, ta Rio-i ashi.
Kümtem süia arudang DUDA Department-i Under Developed Areas Programmes (UDAP) aser Border Area Development Programme (BADP) amala sentongtem inyak. Department nung tang mapa inyaker 76 lir aser ano teimba akümtsü merangdar. Mapa inyakertemji DUDA cadre nungi 44 aser Engineering Wing and Treasuries nungi 32 lir, ta chief minister-isa metetdaktsü.
DUDA department tentetba sülen Under Developed Areas Programme (UDAP); Border Area Development Programme (BADP) ; Empowerment of underprivileged Youth of Eastern Nagaland in collaboration with NIELIT; Coaching classes for HSLC Students,; Development of Anghya Brand & Anghya Marketing Network, Minimum Support Price for Minor Forest Produce (MSP for MFP) under Tribal Cooperative Marketing Development Federation of India Limited (TRIFED), Ministry of Tribal Affairs, GoI mapatem tenzükogo.
Directorate ki tasen yangluba ajanga ENPO nunger asoshi sentong aser asalentong tasen aika inyaktettsü imlar. Department nung ketdangsertemi iba ki junga anepalutsüla aser mapa inyakba sobaliba tenzüktsüla, ta Rio-isa ayongzük.
Sentong nung MLA & Advisor DUDA, N. Bongkhao Konyak-ia o jembidang chief minister-i DUDA Directorate office ki yanglutsü atema sen agütsüba atema pelaba metetdaktsü.
Chief Minister-i ENPO tesemtem atema bilemtsür aser pa lenisüba kübok DADU ya 2003 küm tentet aser iba ajanga Eastern Nagaland nung taküm jenjang tajungba kümdaktsür, ta Bongkhao Konyak-i ashi.
Paisa ENLU-i teti Department den yaritepba atema pelaba shisem.
Sentong nung mendenji Principal Secretary DUDA, Lhoubeilatuo Kire liasü aser pai tesentepertem pela agizük aser KBBK Pastor Moba Konyak-i ki meshiteta sarasademtsü.