Mkg nung ango noktanger

Dimapur, March 1 (TYO): Mokokchung District nung ayokba ango kar bendener State Public Health Laboratory, Kohima nung tendangtsü atema bener yokba nung formalin dena aliba putet.
Iba ya Food Safety and Standard Regulations 2011 arrla 9.1 alema lir. Anungji, public ajungtsü atema Mokokchung Deputy Commissioner Rajesh Soundararajan-i tangalen nungi ango aser ango dak sendakba chiyungtsü bener marutsü tenokdangba agütsü.
Nisung kari danga iba tetuyuba alema inyakra, ozüng tapet agi merenshitsü, ta Mokokchung DC-i metetdaktsü.