Mon DC-i Weaving & handicrafts course training atema sangdonger

Mon, Metsüremi/March 02 (TYO): Mon Deputy Commissioner, Thavaseelan K, IAS-i sangdong ka ajanga, General Manager, District Industries Centre Mon nungi anguba advertisement nung ajemdaker District Industries Centre, Mon nung lisopurtem nem weaving & handicrafts indang küm ka training agutsütsü atema metetdaktsü.
Iba training atema shimba candidates nem training agiba mapang piyong ita shia stipend sen 500/- agutsütsü.
Training tembangba sülen pei sasa mapa balala inyaktsü nükjidong nung iba training agutsütsü aser iba training atema tazüngba qualification ji tajemba agia class -VIII (Eight) aser temapur asütsüla. Candidate temi March 20, 2019 anepdang 10:00 ako nung GM, DIC, Mon Office takdang nung interview agutsütsü, aser iba atemaji shinaga nema jurila shidi magutsütsü. Interview mapang nung candidate ajaki original certificate/documents bener arutsüla, mesüra magizüktsü.
Iba dak alia application den Education certificate photo copy March 15 matongdangsa GM, DIC Mon office ket tongtsütsüla, ta kasa osang ajanga metetdaktsü.