Water Resources Department-i training aika ayongzüka agi

Kohima, March 02 (TYO): January 23, 2019 nü Capacity Building Programme kübok Chief Engineer’s Office, Water Resources Department ketdangsertem aser staff tem atema Office procedure & Service Establishment training ka agi, ta tanü ketdangsertem osang ka ajanga metetdaktsü.
Anogo ka training nung shisalen sayurji Renchamo Lotha Rtd. Addl. Secretary liasü aser Er.Tsuktinungsang, Chief Engineer, WRD-i okila jembi. Iba training nung shilem agir 44 liasü. Iba training agutsüba tongti nükjidongji Office inyakyim, Service Establishment aser iba dak sendakbatem rajemdaktsütsü atema liasü.
Ano January 29-30, 2019 anogotem nung gari anirtem atema ‘Driving Skills & Etiquette’ training agia liasü. Driving Skills & Etiquette training ya Chief Engineer’s Office conference hall nung agi aser shisalen sayurji Transport Department nungi Motor Vehicle Officer (MVO), Bendang Longchar liasü.
Er. Wapangnaro Imchen, Executive Engineer, WRD-i okila jembi aser Er. Tsuktinungsang, Chief Engineer, Er. Hotovi Ayemi Addl. Chief Engineer & Er. Razouvolie Kelio, Superintending Engineer (WRD) nungeri gari anirtem dang sorkar driver tem ama pei mapa nendaka inyaktsü ajungshia. Iba training nung Division ajak nungi 53 aden.
Maneni February 15 nü WRD nung ketdangsertem aser staff tem atema Audit & Accounts Matter training agi: EEs, SDOs & Accountants/Cashiers atema ayongba training ya conference hall, Chief Engineer’s Office, Water Resources Department nung agi aser shisalen sayurji Shankar KR Thakur liasü aser Er. Chubasashi Chang, Superintending Engineer, WRD-i okila jembia liasü. Iba training nung WRD Division ajak nungi parnok 43 shilem agia aden.
Iba training nung onüktemji- Maintenance of Account, Maintenance of Stock Register aser Maintenance of Asset & Records liasü. Tatemsa Er. Wapangnaro Imchen, Executive Engineer, Water Resources Department-i tepela anküp o jembia sentong tembang.