Myanmar nungi ketdangsertemi Nagaland Angh ajuru

Kohima, Metsüremi/March 02,2019 (TYO): March 2, 2019 nü Myanmar nung Union Solidarity & Development Party nungi teshimtet telok kati (züngsem 11) Raj Bhavan, Kohima nung Nagaland Angh, PB Acharya ajuruogo, ta tanü PRO to Governor sangdong ka ajanga metetdaktsü.
Parnoki state semdangba atema pelaa agizüka Angh, Acharya-i Myanmar nung aliba Naga nunger atema bilemtsüba lemsatep aser linük anaprong arrtsülen terenlok katsütsü atema ayongzük.
Meimchirtem atema tebilemtsü kaa inyaktsü nüngdak, ta shia Angh Acharya-i arrtsülen shisaliok rejutem, hospitals, lajar alidak ki aser skill development centres densema terenlok mapa balala inyaktsü ayongzüka liasü.
Angh, Acharya-i, India aser Myanmar naprongla nungi melungtet teloktemi yaritepa Private Public Partnership (PPP) welfare mapatem inyaktsüla, koba ajanga linük anaprong renloktsü aser tashi itshitsü, ta ashi.
Pai ashiba agi, Mumbai nung aliba melungtet telok, Indian National Fellowship Centre (INFC)-i North East nüburtem atema arrtsülen kaketshir-tesayurtem exchange programmes aser medical camps ayongzüka katsür.
Acharya-isa Myanmar nungi aruba team dang Myanmar nung aliba Naga nungeri Nagaland semdangtsü atema sentong ayongzüktsüla aser mapang shia Bharat Darshan ayongzüktsüla, koba ajanga linük ana tesendaktep tajungba akumtsü, ta ashi.
Paisa linük ana tsüngda sobaliba exchange programmes agitsü ayongzük.
Acharya-i, NEZCC-ia Myanmar nung aliba Naga nunger atema cultural programmes aser exchanges sponsor asutsü akok, ta ashi.
U Than Htay leniba nung Myanmar nungi aruba team-ia Myanmar nung Naga administered areas nung terenlok katsütsü atema parnok tejangraba lemsatepa liasü.
Iba senden nung Higher Education Minister, Temjen Imna Along-a aden.
USDO nungi aruba team ji India Foundation-i sponsor asü.