Zunheboto nung Bio Medical Waste Management training agi

Zunheboto, March 03 (TYO): Nagaland Health Project (NHP)-i ayongzüka February 26, 2019 nungi March 1, 2019 tashi Youth Hall, Zunheboto nung Bio Medical Waste Management training agiogo, ta tanü District Media Officer, CMO Office Zunheboto, Shekho Sophie-i sangdong ka ajanga metetdaktsü.
Iba sentong nung okila jembidang Zunheboto CMO, Dr. C.W.Tungoe-i, asen libajen kümzüka ayutsü aser scientific yimya nung hospital nungi jana-ona indokbaren nung staff tem nem awareness agutsüba mezüngbuba meraji Bio Medical Waste Management training ya asutsü, ta metetdaktsü.
Dr. Akaho, Dy. CMO-i Bio Medical Waste Management indang metetdaktsü; kechiba BMWM nüngdaker, BMWM benoka inyaktsüji shirnok aser BMWM nung teinyaktsü balalaji kechisa?, item onük ajak ayimjema pai jembi.
Paisa, Bio Medical Waste Management training agiba ajanga bio medical jana ajanga timtem balala ajemadoktsü aser ibaji ajanga quality health care agutsütettsü aser infection maliba tesem ka akumtsü, ta ashi. Kasa sentong nung Ajanuo-i Personal Protective Equipment (PPE) amshiyim, PPE koda tongtibang aser PPE amshibaren indang metetdakja liasü.
Laisa teka merüka ayuba aser Vaccine agiba koda tongtibang, iba onük jembi.
Dr. Shikatoli-i BMW segregation, bendenba, rizüngba, belenshiba aser indokba inyakyim metetdaktsü.
Laisa jana bendenba nung BMW segregation colour coded system aser health facilities nung BMWM system indang metetdaktsü.
BPM, Akuluto block, Inalu Rochill-i training agirtem dang BMWM 2016 ozüngtem, operator aser occupier teinyaktsü shilem aser central/state sorkar teinyaktsü mapatem aser pollution control board mapatem metetdaktsü.
BPM, Aghunato block, Inahoto Chophy-i District Monitoring Committee (DMC) aser DMC tentetba, DMC teinyaktsü shilem aser mapatem indang metetdaktsü.
Iba training ya shilema pezü küma lemsar agi aser shilem shia sessions pongu-ngu agi. Iba training nung nisung 238-i shilem agi aser parnok rongnung Medical Officers, Nurse tem, Medical Attendants, health units 63 nungi Health Workers aden. Parnok dak alia Dr. Viholi, DTO, RNTCP, DAPCU, NVBDCP aser NHM staff tem aden.
Iba training nung team leader ji Dr. Akaho, Dy. CMO, Zunheboto liasü aser shisalen sayurtemji Dr. Akaho, Dy.CMO, Dr. Shikatoli MO, SHP, Ajanuo District Facilitator, NHP, Inalu Rochill, BPM Akuluto aser Inahoto Chophy, BPM Aghunato nunger liasü.