March 5 nü ‘Solutions for Schools in the New Digital Era’ sentong agitsü

Dimapur, March 03 (TYO): Mongolbarnü, March 5 nikongdang 5:00 ako nungi Europa Inn, Opposite Blue Hill Bus Stand, Golaghat Road, Dimapur nung “Solutions for Schools in the New Digital Era” onük nung shisalemsatep sentong ka agitsü, aser iba sentong nung CEO, Nguru, NIIT’s school division, Pradeep Narayanan-i jembitsü, ta tanü Head of Center, NIIT Dimapur, Daniel Changkiri-i sangdong ka nung metetdaktsü.
“Iba sentong nung adentsü atema Nagaland nung high schools aser higher secondary schools ajak nungi tejangrar Principals aser Governing Body members adentsü onoki pelashishia jaoker, iba dak alia iba sentong nung adenba ajanga tajangzük angutsü atema osangbenertema jaoker. Iba sentong tembangba sülen lokti chiyungtsü,” ta paisa metetdaktsü.
Iba sentong nung Narayanan-i Maths Lab, Language Lab, Scientivity, ERP systems, Computer Education aser Career Counselling onüktem nung jembitsü, anungji tejangrartemi Hombarnü tashi nungbo phone no 94360-12641 ajanga mesüra mail aks_dmr@yahoo.co.uk ajanga menden mekazüka ayutsü mepishir.
Narayanan ya management professional ka lir iba denji külemi küm 36 tsüngda iba maparen nung leadership skills aser track record tajung lir.
Pa NIIT dak alia ONGC, 24/7 Inc, Admizzionz Campuz nunga inyakogo.