Lovlina & Bhagyabati na Berlin Boxing C’ship nung asayatsü

Guwahati, Metsüremi/March 4 (Agencies): Assam nungi boxer Lovlina Borgohain aser Bhagyabati Kochari na Berlin nung asayatsü aliba Round-Robin Boxing championship nung asayatsü atema shimogo. Tena ya world boxing champion MC Mary Kom den külemi iba asayamung nung shilem agitsü.
Arishi küm 21 tain Lovlina-i India tenüng nung 2016 küm nungi tenzüka international asayamung balala nung shilem agia arudar. Lai 2018 AIBA Women’s World Boxing Championships nung bronze medal nguogo aser la 69kg category nung asayatsü.
Kasa mapang nung Bhagyabati 75kg category nung asayatsü. La ya amateur boxer ka lir, shiba Istanbul, Turkey nung Ahmet Comert International Boxing Tournament asayaba mapang Indian women’s boxing contingent nung dena liasü aser gold medal ka koktetogo.