March 7 nü NFHRCC-i senden ayonger

Dimapur, March 04 (TYO): 28/02/19 nü NFHRCC Office, Dimapur nung amenba külem senden nung ajemdaker March 7, 2019 nü-a anüngdang 11:00 ako nungi Hotel Saramati nung tongtibang senden ka amentsü; iba senden nung tongti Tribal tentettem, Department of PWD (R&B), Contractor M/s Trident Enterprises aser Associates, Ralan Area Lotha HOHO  (RALH) aser NFHRCC-i Ralan sector nung NFHR /Nagaland Expressway connectivity dak sendkba osang kar jangjatsü, anungji ajak dang iba senden nung medema adentsü mepishir, ta tanü NFHRCC Convenor, Supu Jamir, General Secretary, W Lemba Chang, Co-convenor, Hukiye Yepthomi aser AGS, Chenithung Humtsoe nungeri külem sangdong ka ajanga metetdaktsü.