C-Edge College-i orphanage ka semdang

Dimapur, March 04 (TYO): March 2, 2019 nü C-Edge College NSS (National Service Scheme) aser RRC (Red Ribbon Club) züngsemtemi kaketshirtem lenla ajak liromedema renlokdaktsütsü nükjidong nung New Showuba nung aliba Children’s House of Refuge (Orphanage and school) semdangogo; iba yim ya college NSS-i adopt süa lir.
Iba orphanage & school ya Yimso Yimchunger-i ketdangsüa repranger.
NSS aser RRC züngsemtem den C-Edge College Principal, Dr. Chubatola Aier, tesayurtem aser kaketshirtemi tanurtem den shisa lemsatepa liasü, iba denji küelmi tesemdangertem aser tanaurtemi tekülem ken aser saisapong balala asayaogo.
College-isa senotsü den osettsüset tenla agutsü aser iba orphanage nung tanur 30 shi den mapang indoka tajangzük kaa mungogo. Iba sentong tembanga school nung nübodoka mapa inyaka liasü.