Dimapur DC-i bio- degradable bag tem lemtsü

Dimapur, Metsüremi/March 4 (TYO): Dimapur Deputy Commissioner, Kevekha Kevin Zehol, NCS-i, NGO, DMC Dimapur aser administrative officer tem nem March 4, 2019 nü Dimapur DC office kima bio- degradable bag tem lemtsüogo. Biodegradable bag tem ya Chief Minister’s Corpus Fund kübok agizük aser plastic free Nagaland programme nung shilem ka lir.
Kevin Green Solution bag tem ya, Dimapur Chamber of Commerce, Business Association of Nagas, East Dimapur Business Association, ADC Niuland aser Medziphema, CMO Dimapur, DMC aser DC office Dimapur nem agütsü.
Kasa mapang nung Dimapur DC-i, plastic bag tem amshiba tajemba kümdaktsütsü asoshi nüburtem dang tzü mopung den apet yangkotem kanga shisakaa amshitsü mepeshi, ta DPRO Dimapur sangdong ka ajanga metetdaktsü.