Tanü bandh malitsü: CNCCI

Kohima, Metsüremi/March 04 (TYO): March 5, 2019 nü tribal tentet balalai Bharat bandh ayonger, ta asüba osang ajanga shishilembartem aser nüburtem ratamatadar, ta CNCCI Chairman, Dr. Khekugha Muru aser General Secretary, Dr. Seyeville nati sangdong ka nung metetdaktsü.
Shishilembar tentet-i iba ama bandh mayongtsü, ta Confederation of Nagaland Chamber of Commerce & Industry (CNCCI)-i jangjashiatsür, anungji Districts Chamber of Commerce and Industry ajak dang peipei tesem nung akhi ama shishilembaba maparen inyaktsü atema tuyutsü metetdaktsür, ta sangdong nung shia lir.
Iba dak alia nüburtem danga shishilembar tentet-i iba ama bandh mayonger, ta parnokisa metetdaktsüogo.