IPPI sentong MKG nung March 10 nü akatsü

Dimapur, Metsüremi/March 5 (Agencies): DPO RCH & VIP, Mokokchung Dr. Ayangla Saku-i sangdong ka ajanga Mokokchung nung tanür arishi küm 0 nungi 5 tashi atema Intensive Pulse Polio Immunization (IPPI) sentong ka march 10 nü akatsüba sangdongogo.
Anungji kinü tanur arishi küm 0 nungi 5 tsüngda alir ajak nem Polio jemdaktsütsü atema tsüraburtem dang pei tanur parnok anasatiba aliba IPPI Booth-i anir aotsü metetdaktsüogo. Iba sentong takok ngua inyaktsü atema nüburtem dang Health worker aser volunteer tem den teka amteper inyaktsü atema, kasa sangdong ajanga mepeshia metetdaktsüogo.